गाँव छोंड़ के(कुकुभ छंद 1)

*कुकुभ छंद प्रयास-1*

       *गाँव*

*(सुधार के बाद)*

*गाँव छोड़ के जावत हावस*, *पाछू बड़ पछताबे गा*|

*दया मया अउ मेल गाँव कस*, *कहाँ शहर मा पाबे गा* ||

*धनहा डोली हवय गाँव मा*, *छाँव हवय अमराई के*|

*ग्वाला के बंशी के सुर हे*, *मया बाप अउ दाई के* ||

*देख गाँव मा हरियाली हे*, *अउ ममहावत माटी हे*|

*गिल्ली डंडा भटकउला हे, भौंरा खो-खो बाँटी हे*||

*सुआ ददरिया गीत भूल झन*,

*डिस्को मा भरमाबे गा*|

*गाँव छोंड़ के जावत हावस, पाछू बड़ पछताबे गा*||   |1|

*खेती बारी के बूता हर, लागत तोला भारी हे*|

*जे माटी मा खेले कूदे, लागत ओ बीमारी हे*||

*जब ले गे हस आन शहर मा, सुन्ना गाँव हवय भाई*|

*सुरता करके आँसू झरथे , बड़ रोवत रहिथे दाई* ||

*दाई के कोरा सुरता कर, जब तैं हा खो जाबे गा*|

*गाँव छोंड़ के जावत हावस, पाछू बड़ पछताबे गा*||  | 2|

*कचरा,धुआँ,प्रदूषण हावय, शहर मा झगरा दंगा हे*|

*जेवन सादा हवय गाँव मा, नदिया जइसे गंगा हे*||

*गाँव खड़े रहिथे सुख-दुख मा, काम सबो के आथे रे*|

*शहर हवय मतलब के साथी, गीत लोभ के गाथे रे* ||

*मर जाबे कोनो नइ पूछय, शहर कभू झन जाबे गा|*

*गाँव छोंड़ के जावत हावस, पाछू बड़ पछताबे गा*||  |3|

*भीड़ भाड़ के जंगल मा जब, रहि के मन जब थक जाही* |

*शोर-शराबा ला सुन के जब, माथा हा तोर पिराही*||

*दोसा पीजा चाउमीन मन, चारे दिन तोला भाही*|

*लोभ कपट अउ स्वारथ ले जब, दुख तोरे अंतस पाही*||

*भोलापन ला अपन गाँव के,*मन मा तैं सोरियाबे गा*|

*गाँव छोड़ के जावत हावस, पाछू बड़ पछताबे गा* || |4|

*सुनिल शर्मा नील*

भ्रष्टाचार(ताटंक छंद- 1)

*ताटंक प्रयास-1*

*विषय-भ्रष्टाचार*

*(सुधार के बाद*)

*मनखे मन के भेस बना के, बइठे गिद्ध शिकारी हे* |

*भारत माता ला नोंचत सब, पापी भ्रष्टाचारी हे* ||

*अत्याचार करत हे देखव , जेब अपन भर के भारी* |

*लालच के इन हावय रोगी, नइ तो जानय लाचारी* ||

*काम कराये पइसा होना, तब फाइल सरकाथे जी* |

*नैतिकता ले कोसो दुरिहा, रिश्वत इन ला भाथे जी* ||

*रिश्वत सेती अनुकम्पा बर, ठोकर ला विधवा पाथे* |

*पेंशन खातिर नत्थू -फत्तू , आफिस मा गारी खाथे* ||

*बगरे हावय हमर देश मा, लाइलाज ये बीमारी*  |

*गाँव शहर आफिस संसद मा, अमरबेल कस गद्दारी* ||

 

*लोभी मन हा नेता साहब, अउ नौकर सरकारी हे* |

*बाहिर दिखथे देशभक्त अउ, भीतर हिस्सेदारी हे* ||

*जल जमीन जंगल ला बेंचत, ईमन स्वारथ ला भाथे* |

*जुरमिल दानव मन जम्मों झन, गौ के चारा ला खाथे* ||

*संविधान ला कुछ नइ समझय, कभू कहाँ इन डर्राथे* |

*नेता मन के संरक्षण मा, बल जम्मों बैरी पाथे* |

*धन ला सब स्विसबैंक खुसेरत, जनसेवक कहलाथे गा* |

*जानत हे भारत के वोंटर, पइसा मा बिक जाथे गा* ||

*नैतिकता ला बेंच खाय हे, लाज कहाँ इन ला आही* |

*तभे सुधरही अइसन दुख जब , ईखर घर कोनो पाही* ||

*सड़क बाँध पुलिया भसके मा, कतको जीव गँवा जाथे* |

*तभो कहाँ ये पापी मन के, चिटकुन दुख मन मा आथे* ||

*बन्द करव अब लेन देन ला, भ्रष्टाचार मिटाना हे* |

*अपन काम करवाए खातिर, लाइन भले लगाना हे* ||

*उमर कैद के सजा मिलय जे, रिश्वत मा पकड़े जावै* |

* *देवइया लेवइया मन ले, डाँड़ इहाँ बड़का पावै* *  ||

*संसद मा सब दल के सुमता , होना बहुत जरूरी हे* |

*रिश्वत लोभी ला रोटी कस , पोना बहुत जरूरी हे* ||

*सुनिल शर्मा"नील"*

*थान खम्हरिया*

*8839740208*

गौ माता(लावणी छंद 1)

गौ माता

(लावणी छंद प्रयास-1)

सुधार के बाद

मनखे मन ले गउ माता हा, पूछत आज सवाल हवय |

सरबस दे के बेटा मोरे, काबर अइसन हाल हवय ||

नइ माँगव मैं कभू अपन बर, सब ला मैं देवत रहिथँव |

तभो इहाँ दुख ला जिनगी भर, काबर बोलव मैं सहिथँव ||

खेती बारी के बूता मा, काम तुँहर मैं हा आथँव |

दूध दही घी के बदला मा ,जूठा काठा ला पाथँव  ||

मोर देह के अंग-अंग मा, देवी-देव समाय हवय |

राम कृष्ण ज्ञानी मानी सब, मोरे महिमा गाय हवय ||

दूधमुहा जब दाई खोथे, जिनगी ओला दे देथँव |

साँसा के डोंगा ला ओखर, बन के माँझी मैं खेथँव ||

फेर आज भटकत हँव भूखे, गारी सब के खावत हँव |

रद्दा मा मोटर के नीचे ,आ के जीव गँवावत

हँव ||

मोर मया के करजा कइसन, सोंचव आज चुकावत हव |

मोला बेंचत हव लालच मा, कटवा के मुसकावत हव ||

दूध पिया  जे ला पोंसे हँव, ममता मोर भुलाये हे |

गौ माता ला बिसरा के सब, स्वारथ मा भरमाये हे ||

गौचर भुइयाँ हमर छेंक के, मनखे अब चंडाल बने |

दया धरम अउ नीत भुला के, देखव अब बेताल बने ||

गौ सेवा हा लगथे अब तो, एमन ला  लाचारी हे |

कुकुर पोंसना फैशन बन गे, घर रोवत महतारी हे ||

गंगा-गीता-गौ माता ले, जम्मों ये संसार हवय |

करलव तुमन इँकर सेवा ला, जग के इन आधार हवय ||

कहना मोर मान लव भाई, झन तुम अइसन काम करव |

माँ बेटा के पबरित नाता ,कभू नहीं बदनाम करव ||

गौ माता के जय होही तब, जब कुछ कदम उठाहू जी |

नारा बाजी छोंड़ असल जब, सेवा तुमन  बजाहू जी ||

अइताचार देख के कइसे, लहू तुँहर नइ खउलत हे |

काबर चुप हव लहू देख जब,  मोला काटत पउलत हे ||

मोर मान बर आघू आवव, दाई के तुम ढाल बनव |

धर के टँगिया कल्कि बन के, बैरी के 

अब काल बनव ||

माँग तुमन संसद ले करके, कानून पोठ बनावव अब|

पूजे जावय जिहाँ गाय हा,

अइसन दिन फिर लावव अब ||

सुनिल शर्मा"नील"

बेमेतरा

मत्तगयंद सवैया-7

सवैया प्रयास-7

(विश्वामित्र जी यज्ञ व ऋषियों के रक्षार्थ दशरथ जी से राम को मांगते है इस पर दशरथ जी कहतें है)

राम सुकोमल बाल अबोध कहाँ यह काज भला कर पाहिं |

रावण वेग न देव सहै सुत मोर प्रहार कहौ सहि जाहिं |

दानव के छल-छिद्र बलाबल तोड़ निषंग कहाँ वह लाहिं |

लेकर मैं निज सैन्य समूह चलूँ तव रक्षण

कानन माहीं ||

निषंग= तरकश

सुनिल शर्मा"नील"

थान खम्हरिया

ताटंक छंद-1(विषय -भ्र्ष्टाचार)

मनखे मन के भेस बना के, बइठे गिद्ध शिकारी हे|

भारत माता ला चीथत सब, पापी भ्रष्टाचारी हे ||

अत्याचार करत हे देखव , जेब अपन भर के भारी|

लालच के इन आवय रोगी, नइ तो जानय लाचारी||

काम कराये पइसा होना, तब फाइल सरकाथे जी |

नैतिकता ले कोसो दुरिहा, रिश्वत इन ला भाथे जी* 

||

रिश्वत सेती अनुकम्पा बर, ठोकर ला विधवा पाथे |

पेंशन खातिर नत्थू -फत्तू , आफिस मा गारी खाथे||

बगरे हावय हमर देश मा, लाइलाज ये बीमारी  |

गाँव शहर आफिस संसद मा, अमरबेल कस गद्दारी||

 

रिशवतिहा मन नेता साहब, अउ नौकर सरकारी हे|

बाहिर दिखथे देशभक्त अउ, भीतर हिस्सेदारी हे ||

जल जमीन जंगल ला बेंचत, ईमन स्वारथ ला भाथे|

जुरमिल दानव मन जम्मों झन, गौ के चारा ला खाथे ||

संविधान ला कुछ नइ समझय, कभू कहाँ इन डर्राथे |

नेता मन के संरक्षण मा, बल जम्मों बैरी पाथे |

स्विसबैंक मा रूपया खरबो, जनसेवक कहलाथे गा|

जानत हे भारत के बोटर, पइसा मा बिक जाथे गा||

नैतिकता ला बेंच खाय हे, लाज कहाँ इन ला आही|

तभे सुधरही अइसन दुख जब , ईखर घर कोनो पाही ||

सड़क बाँध पुलिया भसके मा, कतको जीव गँवा जाथे |

तभो कहाँ ये पापी मन के, चिटकुन दुख मन मा आथे ||

बन्द करव अब लेन देन ला, भ्रष्टाचार मिटाना हे |

अपन काम करवाए खातिर, लाइन भले लगाना है||

उमर कैद के सजा मिलय जे, रिश्वत मा पकड़े जावै|

देवइया लेवइया मन ले, डाँड़ इहाँ बड़का पावै  ||

संसद मा सब दल के सुमता , होना बहुत जरूरी हे|

रिश्वत लोभी ला रोटी कस , पोना बहुत जरूरी हे||

*सुनिल शर्मा"नील"*

*थान खम्हरिया*

*8839740208*

मत्तगयंद सवैया-6(चारों भाइयों का नामकरण)

सवैया -6

(वशिष्ठ जी चारों भाइयों का नामकरण करते हुए दशरथ जी व रानियों से कहतें है)

*राम* जपै सुखधाम मिलै सुत तोर बड़े जग भार उठाहिं।

दूसर पूत बड़ा धरमी जगपालक *भारत* नाम धराहिं |

*लक्ष्मण* तीसर पुत्र तुम्हार नरेश सुनौ गुणग्राम जनाहिं |

काँपय शत्रु सुनै जब नाम कनिष्ठ *अरिंदम* नाम कहाहिं  ||

अरिंदम=शत्रुघ्न

सुनिल नील

(छत्तीसगढ़)

कुकुभ छंद(गाँव छोंड़ के जावत हावस)

*कुकुभ छंद प्रयास-1*

       *गाँव*

*(सुधार के बाद)*

*गाँव छोड़ के जावत हावस*, *पाछू बड़ पछताबे गा*|

*दया मया अउ मेल गाँव कस*, *कहाँ शहर मा पाबे गा* ||

*धनहा डोली हवय गाँव मा*, *छाँव हवय अमराई के*|

*ग्वाला के बंशी के सुर हे*, *मया बाप अउ दाई के* ||

*देख गाँव मा हरियाली हे*, *अउ ममहावत माटी हे*|

*गिल्ली डंडा भटकउला हे, भौंरा खो-खो बाँटी हे*||

*सुआ ददरिया गीत भूल झन*,

*डिस्को मा भरमाबे गा*|

*गाँव छोंड़ के जावत हावस, पाछू बड़ पछताबे गा*||   |1|

*खेती बारी के बूता हर, लागत तोला भारी हे*|

*जे माटी मा खेले कूदे, लागत ओ बीमारी हे*||

*जब ले गे हस आन शहर मा, सुन्ना गाँव हवय भाई*|

*सुरता करके आँसू झरथे , बड़ रोवत रहिथे दाई* ||

*दाई के कोरा सुरता कर, जब तैं हा खो जाबे गा*|

*गाँव छोंड़ के जावत हावस, पाछू बड़ पछताबे गा*||  | 2|

*कचरा,धुआँ,प्रदूषण हावय, शहर मा झगरा दंगा हे*|

*जेवन सादा हवय गाँव मा, नदिया जइसे गंगा हे*||

*गाँव खड़े रहिथे सुख-दुख मा, काम सबो के आथे रे*|

*शहर हवय मतलब के साथी, गीत लोभ के गाथे रे* ||

*मर जाबे कोनो नइ पूछय, शहर कभू झन जाबे गा|*

*गाँव छोंड़ के जावत हावस, पाछू बड़ पछताबे गा*||  |3|

*भीड़ भाड़ के जंगल मा जब, रहि के मन जब थक जाही* |

*शोर-शराबा ला सुन के जब, माथा हा तोर पिराही*||

*दोसा पीजा चाउमीन मन, चारे दिन तोला भाही*|

*लोभ कपट अउ स्वारथ ले जब, दुख तोरे अंतस पाही*||

*भोलापन ला अपन गाँव के,*मन मा तैं सोरियाबे गा*|

*गाँव छोड़ के जावत हावस, पाछू बड़ पछताबे गा* || |4|

*सुनिल शर्मा नील*

मत्तगयंद सवैया-5

सवैया -5

(राजा दशरथ जी अपने वंश दीपक न होने से निराश है और  ईश्वर से प्रार्थना करतें है)

राज मिला सुख साज मिला सिर ताज मिला तबहू सुख नाहीं |

पूत नही तव भार कहो सुरनायक मोर 

कहाँ उठ पाहीं |

सूर्य समान प्रदीप्त रहा रघुवंश भला अब

कोन चलाहीं |

हाथ खड़े करजोर कहे अवधेश कृपा करहू अब ताहीं ||

सुनिल शर्मा"नील"

थान खम्हरिया(छत्तीसगढ़)

8839740208

मत्तगयंद सवैया-4

(अयोध्या वापसी पर लखन लाल से भरत जी  कहतें है)

छाँह बने तुम राघव के अरु त्याग दिए

सुख नींद तिहारो | 

राम-रमा पथ के सब कंकड़ कंटक बीन सदा तुम टारो |

राम सनेह सभी हम पाय नही पर तोर समान दुलारो |

लक्ष्मण भाग बड़े तुँहरे रघुनायक के नित पाँव पखारो ||

सुनिल शर्मा"नील"

थान खम्हरिया(छत्तीसगढ़)

8839740208

सवैया -3(राम जी भरत मिलाप)

सवैया-3

चौदह बर्ष बिता वनवास कहूँ तुरतै निज धाम न आहू |

मारग मध्य विलंब प्रभू करहूँ तव आप बड़ा पछताहू |

याद रहे प्रण मोर सियापति उक्ति कभू मत भ्रात भुलाहू |

दर्शन दूसर वार न देत प्रभू निज जीवन मोर गवाहूँ ||

*वार=दिन*

सुनिल शर्मा"नील"

थान खम्हरिया(छत्तीसगढ़)

सवैया-3(राम भरत मिलाप)

सवैया-3

चौदह बर्ष बिता वनवास प्रभो तुरतै निज धाम न आहू |

मारग मध्य विलंब प्रभू करहूँ तव आप 

बड़ा पछताहू |

याद रहे प्रण मोर सियापति उक्ति कभू 

मत मोर भुलाहू |

दर्शन दूसर वार दिए न तो जीवित दर्शन मोर न पाहू ||

सुनिल शर्मा"नील"

थान खम्हरिया(छत्तीसगढ़)