चंद्रशेखर आजाद -आल्हा

चंद्रशेखर आजाद

गाँव भाभरा के माटी ला, माथा सबझन अपन नवाव

तीरथ कस ये पावन भुइयाँ, एखर महिमा ला सब गाव |

धन्य-धन्य दाई जगरानी, बेटा अइसन तैं हर पाय

जे ला छू नइ पाइन गोरा, जग मा वो आजाद कहाय |

चौंड़ा छाती देख वीर के, बैरी मन के लहू अटाय

जब गरजय तब काँपय पापी, सुनय फिरंगी रहय लुकाय |

उघरा देंह जनेव खान्ध मा, रौबदार मूछा कर्राय

देश अपन आजाद करे के, किरिया ओ अंतस मा खाय |

भारत माँ के दुःख दरद के, चिंता ओला

सदा सताय

नान्हेंपन मा सोंटा खा के, जय-जय भारतमाता गाय |

वीर भगत बिस्मिल के संगी, भारत माता के वो लाल

देशभक्त जननायक जब्बर, दुश्मन मन बर सउहत काल |

काकोरी बमकांड करिस हे, लाला के लेइस प्रतिकार 

मुखबिर सात सैकड़ा मिल के, पा नइ पाइन येखर पार |

वीर भगत कइसे कर छूँटय, करत रहिस इकदिन जब बात

नाट नाव के कुकुर बाग मा, रहिस लगाए अपने घात |

छेंक शेर ला सबो फिरंगी, दल के दल बंदूक  चलाय 

एक अकेला हर बैरी बर, ताकत मा भारी पर जाय |

देख फिरंगी मन आजाद के, काल रूप ला बड़ थर्राय

कखरो माथा कखरो छाती, एक-एक कर छेदत जाय |

दूनो डाहर छूँटय गोली, दनदन दनदन दनदन धाँय 

पत्ता-पत्ता रूख राई सब, शेखर के जय जय जय गाय |

लड़िस वीर सौ-सौ बैरी ले, लहू सनाये जम्मों अंग

देख लगय अभिमन्यु जइसे, लड़त हवय कौरव के संग |

जाव छोंड़ के संगी मोला,आंदोलन ये रूक

झन पाय

कहिस सुनव आजाद राज ले, भले प्राण ये मोर गँवाय |

काया लथपथ रहय लहू ले, गोली मन सब रहय बढ़ाय

एक आखिरी गोली ओ हर, रहय जेब मा अपन लुकाय

माटी ला मूठा धर के ओ, कहिस भारती माता मोर

कर पायेंव अतके भर सेवा, जावत हे बेटा अब तोर |

जब-जब जनम धरँव धरती मा, तोर मया के पाँवव छाँव

फेर इही धरती मा खेलव, फेर मिलय ये सुग्घर गाँव |

कहि पिस्तोल अपन माथा मा, गोली ओहर दिस चलाय

गिरिस देह धम ले भुइयाँ मा, मानो परबत हर गिर जाय |

नइ आवव मैं कभू हाथ मा, जीते जी जे किरिया खाय

शेखर बेटा लड़े शेर कस, किरिया तै सच कर देखलाय |

तोर शहीदी के रद्दा ले ,ये आजादी भारत पाय

त्याग संग बलिदान तोर ला, सकय नहीं कोनो बिसराय ||

सुनिल शर्मा नील

बेमेतरा

7828927284

त्रिभंगी छंद- हिजाब vs भगवा गमछा

मत रंग रँगों तुम, इन्हें मजहबी ,इनको शाला, रहने दो |

पावन पुनीत है, विद्यालय ये, यहाँ उजाला,

रहने दो |

मत इन्हें सिखाओ, कलुषित होना, नदिया कलकल, बहने दो |

नफरत मत बाँटो, मत तुम काटो, इनको निश्छल रहने दो ||

सुनिल शर्मा "नील"

थानखम्हरिया(छत्तीसगढ़)

8839740208

त्रिभंगी-सरस्वती वंदना

उर के मरुथल में, मेरे बरसो, बनो सहारा, माँ वाणी |

वर दो हर दो तम, कर दो अंतस, तुम उजियारा, माँ वाणी |

उज्ज्वल उज्ज्वल हो, चित्त विमल हो, चरित धवल हो माँ वाणी |

रिपुदल थरथर हो, अक्षर शर हो, वचन अटल हो, माँ वाणी ||

हरिगीतिका

विषय-गणपति जी

गौरी हरय दाई प्रभू, भोला ददा ये तोर गा |

तैं नाश कर ये पाप के, चारो मुड़ा हे घोर गा |

शुभलाभ के बाबू हरस,शंकरसुवन महराज जी|

तोला जपे मा होय पूरन, भक्त मन के काज जी ||

सूपा असन दू कान हे, हाथी असन माथा हवय |

हे दाँत सुघ्घर एकठन, महिमा भरे गाथा हवय |

फरसा धरे हस हाथ मा, लड्डू बिकट तैं भाय गा |

बलबुद्धि के अस देंवता, जग तोर गुन ला गाय गा ||

बाधा कटय दुख हा मिटय, आशीष दे गणराज जी |

बुधवार आवय तोर दिन, तैं टेर सुन ले आज जी |

माता-पिता के गोड़ मा, तीरथ सबो बतलाय हस |

जे देय दुख इनला हवय, ओला कभू नइ भाय हस ||

गणपति कलम ला  धार दे, आशीष बारम्बार दे |

ये कंठ ला हुंकार दे, भूले कभू झन हार दे|

सत बर सदा बागी बनव, ये देश के रागी बनव |

विघ्नेश मैं त्यागी बनव, अन्याय बर आगी बनव ||

सुनिल शर्मा 'नील'

त्रिभंगी छंद-1

त्रिभंगी छंद 

प्रयास-1

विषय- मीठा बोलव

मीठा सब बोलव, अंतस खोलव, बैर भाव ला,त्यागव रे |

तारव  ये चोला, जप लौ भोला, सोवव झन अब जागव रे |

दू दिन जिनगानी, हवय परानी, मया पिरित ला,बाँटव रे |

सब अपन डाँड़ ला, सदा बढ़ावव, दूसर के झन काटव रे ||

सुनिल शर्मा "नील"