मंगलवार, 7 जुलाई 2015

डिजिटल क्रान्ति आही

गाँव-गाँव ब्रॉडबैंड ,घर-घर मनखे इंटरनेट चलाही
सरकारी दफ्तर के कामबुता ऑनलाइन हो जाही
बिकसित होही भारत तय देखबे रे मोर संगवारी
हमर तिरंगा झंडा के जस ह दुनिया म लहराही|

डोकरा बबा इस्माटफोन ले मौसम के हाल बताही
पढ़इया लइका जम्मो जिग्यासा गूगल ले बूताही
जम्मो एलेक्टरानिक समान देस भीतरी बने लगही
पोट्ठ होही देस हमर,जलनकुकरा चीन के जर जाही|

पढ़े-लिखे बेरोजगार लईकामन काम-बुता पाही
कतको सुविधा घर बइठे हमर दुवारी तक आही
नई रहय झंझट कॉपी-किताब अउ गरू बस्ता के
ज़माना इस्मार्ट किलास अउ इ-बुक के आही|

परधानमंत्री बिडियो कान्फ्रेसिंग ले सब संग गोठियाही
मनखे के चिन्हारी ओखर मोबाइल नंबर बन जाही
कोनो बीमारी रहय इलाज के संसों ल झन करिहव
एक किलिक म मनचाही हस्पिटल के नम्बर
लग जाही|

ज़माना के संग-संग रेंगइया कहा कभू पछवाही जउन बिज्ञान के संग धरही जम्मो सुख ल पाही तहु होजा डिजिटल आज समे के मांग इही हे  संगवारी भारत म अब डिजिटल क्रान्ति आही|

सुनिल शर्मा "नील"
थान खम्हरिया,बेमेतरा(छ.ग.)
7828937284 ,(व्हॉट्सअप)
9755554470

कोई टिप्पणी नहीं:

एक टिप्पणी भेजें